door jaate hue kadmon ki dheemi hoti aawaaz

dil per nashtar si chubhti jaati hai

tumhare bus ek baar mud  dekhne ki aas

 jaise pal pal marti jaati hai

kya ho gaya ,kyon ho gaya hai yeh sab

kuchh bhi samajh nahin aata

main to wohi hoon,phir tum kyon badal gaye?

woh apnapan,wo baatein,wo kehkahe

sab kahan kho gaye??

waqt bada marham hai,sab bhula deta hai

mujhe bhi bhula dega

per abhi

is pal seene ke is ghaav ka main kya karoon?

tumhari har yaad tumhari har baat

jo nashtar si is ghaav  mein chubhti jaati hai

uska kya karoon??

kya karoon ki main bhi tum jaisi ban sakoon...

berehem

matlabi

kathor...

nafrat hai mujhe tumse....